Абдулаев Леча

Гуьйре

Анайист дохк хIитта йоьлла.
БIаьрга тIе кIай санна, марха.
ДIо маьлхан бIаьштиг тIе оьху.
Схьахьежар кхоладеш маьлха.

ДIо тIома доьдуш я догIуш,
ХIинцале дукха го хьозий.
Можа беш, можа бай-туогIи, -
Баьццарниг къежделла можа.

Массо а некъ новкъа баьлла,
Некъашца яьхкина ярташ,
ДIа новкъа яха шаьш аьлла,
Кхин ца Iахь, - гIаргIулийн жатташ.

Цхьа доккха ло дилчахьана,
Кхин кечдан хIума ца оьшу,
Дерриге кийча ду Iаьнна.
Дерриг ду Iаьне ладоьгIуш.